Elise@冬甩誓考入耶魯

組合冬甩新成員陶嘉瑩外貌清純，獲封「翻版Baby」，雖然年僅17歲，但不是「無知少女」，更胸懷大志誓要成為品學兼優的耶魯高材生！

入行短短半年的「翻版Baby」陶嘉瑩（Elise），早前推出寫真後，成為校內風頭躉，令她開心不已：「今年開學之後，好多同學仔拎住我本寫真嚟叫我簽名，一時間我好似多咗好多Fans，佢哋仲話要幫我組織Fans Club，當我出席活動時就嚟打氣！」她坦言成為藝人後，增加了與同學之間的話題。

就讀中五的Elise坦言，入行初期遭家人極力阻撓，但她誓要以行動證明一切：「最初屋企人反對我加入娛樂圈，因為怕會影響學業，不過，我做人好有計劃同目標，我要以行動證明我冇做錯，做人最重要係及時行樂！」

全班考第三

為了給家人信心，講得出做得到的Elise說：「今年我考全班第三名，雖然比我預期中差，不過最後我都成功說服到家人畀我繼續喺娛樂圈發展！」對於將來會否仍留在娛樂圈發展，胸懷大志的她說：「我想兼顧學業同娛樂圈嘅工作！其實我嘅目標係將來可以入讀美國耶魯大學嘅政治系！」

Profile

姓名：陶嘉瑩（Elise）

身高：1米68

三圍：32B、23、32

出生日期：1994年12月14日

簡歷：組合冬甩新成員，入行後兩個月即與Rainbow、Ar Yu及Elke推出寫真《戀戀東京》。