龍心昨日大鬧法庭並偷影法官，黃國桐律師表示其行為已構成藐視法庭罪，除罰款外，律政署和警方應介入調查事件，然後再作判決，他說：「因為法庭範圍絕對唔可以影相同錄影，開庭時就算響手機都會被庭警沒收，到第二日先歸還事主，龍心呢個行為係嚴重違規，唔尊重法官同藐視法庭，佢要解釋自己個動機係乜，再由律政署同警方決定起唔起訴佢，初步佢已經係妨礙司法公正同藐視法庭，若然佢將相放上網罪行更嚴重，要睇吓個官點判。」談到龍心昨日上庭遲到一小時，黃國桐指法官判刑時或會加重刑罰。