男仔頭邵棋琪最愛玩槍

模特兒邵棋琪19歲青春無敵，外形性感的她原來性格男仔頭，兒時最愛埋男仔堆玩槍，更是短跑及跳遠好手，獲獎無數，但她笑言因運動導致雙腿粗壯，現時恨錯難返！

年僅19歲的模特兒邵棋琪（Monnie）早前在電影《喜愛夜蒲2》中有激情演出，予人性感火辣的感覺，但原來個性甚為男仔頭，小時候亦是黑黑實實毫不起眼，她說：「細個鍾意落樓下同一班男仔玩槍同陀螺，我有學過芭蕾舞同彈琴，但好快放棄，性格比較男仔啲。」

性格堅毅

紮紮跳冇時停的Monnie初中時迷上田徑，短跑及跳遠甚有天分，除加入校隊橫掃學界獎項外，更曾在香港田徑總會公開賽中奪獎：「當時就算唔使練習都會自己跑，訓練到我堅毅嘅性格，所以我做嘢唔會咁易放棄。（跑步情緣？）冇呀！我有欣賞跑步叻嘅男仔，但當時好內向唔同人傾偈，加上外形又唔吸引。」中三時，「黑炭頭」Monnie終「驚覺」自己是名女生，開始學會扮靚，因而慢慢放棄田徑，但她現時仍熱愛運動，不時約朋友打波跑步。

曾是運動健將的Monnie身形勻稱，但她卻不滿大腿較粗壯，很羨慕模媽Mia（陳靜儀）有一雙纖幼美腿的她說：「近排開始做瑜伽令線條靚啲，好在我塊面尖同埋鎖骨凸，大家先唔覺原來我係肌肉底。」

Profile

姓名：邵棋琪（Monnie）

身高：1米63

年齡：19歲

體重：45kg

三圍：32D、24、34

簡歷：去年正式入行，拍了不少廣告，包括中原電器、Kisses朱古力、政府集體戒煙宣傳片，亦曾拍攝微電影《看不見的聲音》及電影《喜愛夜蒲2》。