關詠荷返娘家拍劇 笑Bobby50後
關詠荷（Esther）、歐陽震華（Bobby）和黃智賢昨日為節目巡禮劇集《情逆三世緣》試造型，該劇圍繞三個不同年代，已有多年沒為無綫拍劇的Esther笑言不怕辛苦：「有Bobby睇住嘛！佢都唔捱得o架！50後嚟o架啦！」談及有指無綫很多幕後都大不如前，更有PA （助導）遭張智霖炮轟，Esther笑說：「唔怕，都差咗隻腳落嚟，到時再算啦！」她稱一早已問定編審要否要「飛紙仔」，對方表示有齊劇本，故不用擔心。Esther又指女兒知她開工即甚為高興：「佢話你唔喺度，就唔會成日有人叫我做功課！」
而Bobby古代的角色乃飾演包青天，他說：「監製話原來包青天本身唔係黑面，係中咗毒先咁樣，唔知係咪食咗豉油雞！」對於幕後工作人員的質素問題，他說：「擔心都冇辦法，出得嚟行，預咗要還，我都要還劇債。」
關詠荷和Bobby再度合作，默契十足。
Bobby與關詠荷甫見面即雞啄唔斷，自拍一番。
劇中黃智賢飾演國師，與關詠荷和Bobby譜三角戀。