薛凱琪拖住手祈禱解困
薛凱琪（Fiona）是鄭融圈中數一數二的知心密友，對於好姊妹阿融曾因壓力爆煲而放假半年「休養」，Fiona坦言因阿融年紀比她小，故很多時都會以姊姊身份為她分析問題。提到阿融性格率直、情緒易起伏？Fiona說：「佢其實好可愛，只係一個唔係咁識講嘢同包裝嘅人。（阿融自嘲EQ唔高？）做娛樂圈要EQ高，佢係辛苦啲！」
此外，Fiona認為思想會影響行為，因為舅父篤信佛學，令她懂得事情兩面看，她說：「人哋做錯事，你咪諗吓兩面嘅原因，可能有佢苦況，識咁去諗，亦令自己冇咁唔開心。」她表示雖與阿融不是常見面，但每次見面都互訴心事，阿融亦會向她訴苦：「大家傾完一輪，會拖住手一齊祈禱，希望神給予我哋智慧去面對一切難題。」
姊妹情深的薛凱琪（左）與鄭融，常分享生活點滴，互相扶持！