林峯打頭陣 有望做「歌王」

無綫當家小生林峯昨日在台慶亮燈儀式中打頭陣演出,根據過往「經驗」,擔任表演嘉賓的歌星大有機會得到同年的《十大勁歌金曲頒獎典禮》「最受歡迎男歌星」,林峯受訪時說:「又講呢啲,你哋咁講都畀咗信心我。其實因為《雷霆掃毒》嗰Part最尾先出場,所以打頭陣就有多啲時間畀我換衫,都係呢幾日先知打頭陣。」提到無綫與「四大唱片」未破冰,是否令他勝算大增?林峯說:「從來冇咁諗,都希望同多啲歌手交流。」問到無綫若公投選「視帝」及「最受歡迎男歌星」,會否大有機會連奪兩獎,他說:「一單還一單,但獎就冇嫌多,會正面去睇!」

林峯與徐子珊同放彩紙谷《雷》劇。