妙芝黃佩霞催生B 爆周汶錡造人大計

名模周汶錡（Kathy）上月於法國出嫁，有份出席婚禮的好姊妹黃佩霞及歐陽妙芝笑言，在婚禮上向新娘子催生，又大爆她有意造人，並已向她們取經，相信Kathy很快便會有好消息公布。

法國尊貴護膚品牌EviDenS de Beaute香港首間美容水療中心Le Spa EviDenS，昨日假銅鑼灣舉行開幕酒會，出席賓客包括黃佩霞、歐陽妙芝、姚書軼、余安安、馬詩慧及侯維德等，場面熱鬧！

產後收身最重要

身為Kathy好友的黃佩霞、歐陽妙芝及侯維德早前飛往法國參加Kathy婚禮，黃佩霞表示前日才返港：「婚禮好感人！因為成班姊妹入面嫁剩唔多，Kathy斟茶時，佢哋兩母女都眼濕濕，我見到都忍唔住想喊，呢幕最感人，多謝父母嘅養育之恩，即刻諗起結婚嗰時斟茶嘅情形。」

問到Kathy會否想趕生BB時，黃佩霞即大爆對方已向她們取經：「佢都問我哋好多關於（產後）收身嘅嘢，因為我哋不停炮轟佢、催佢生B，可能佢聽我哋講得多所以問，因為佢貪靚。」而侯維德透露新郎哥見到Kathy頸上的金豬牌時打趣說：「金豬牌有六隻豬，你要幫我生六個。」黃佩霞透露Kathy下周便會返港，因為她早前忙於籌備婚禮而欠下很多「工作債」。問到是否在香港補擺喜酒，她指只是傳聞。

此外，妙芝亦大爆Kathy已有生育大計：「佢話生完唔會自己湊，等我嚟湊，我一定會幫佢湊！」而妙芝今次撇下一對寶貝仔及老公獨自飛往法國，自言很享受單身女子的生活：「好興奮同埋好High，仲High過飲酒！」