鄭裕玲：曾經畀佢傷眼

苗僑偉：我哋合作過《楚留香之蝙蝠傳奇》，小四演「中原一點紅」，但最近冇聯絡，突然收到佢死訊，好愕然！

湯鎮業：早幾日仲同佢細妹（惠英紅）喺橫店開工，小四死時冇人知，都覺得好心酸好難過，覺得佢人生好坎坷，其實好似我哋呢啲上50歲都要好好保養身體，尤其「三高」（血壓、血糖、血脂）話走就走，佢身邊又冇老婆照顧好危險，病痛屈住又冇人講好辛苦。（印象？）以前佢教我哋耍劍，佢拍武打劇好瀟灑、打得好型。

張同祖：知佢唔喺度時好愕然，依家最緊要係知道死因！小紅同董瑋會喺北京了解，再同我商量點處理小四身後事，依家未知喪禮詳情。

李家鼎：我識惠天賜時佢得十幾歲，大家叫佢做「小四」係錯，佢有個「小獅子」稱號，廣東人叫叫吓先叫佢做「小四」！

鄭裕玲：以前同惠天賜拍過劇，佢用木劍劃到我隻眼受傷，之後好內疚不停道歉，佢真係一個好好先生。

楊盼盼：我未知會唔會出席喪禮，都冇咁快有消息。（原本屬意惠天賜嘅角色點算？）已經搵咗人，係內地演員。

任達華：我哋好熟，以前拍過《楚留香》，小四係一個好好嘅朋友。（知唔知小四咩病？）其實以前拍戲，知佢腰骨受傷，十幾廿歲成日都撻親，個肺有問題，又有關節炎，加上多動作梗有勞損。

余安安：喺邵氏合作過幾部戲，開工時有一齊食飯，佢係一個好開朗、好Nice嘅人。（有冇打畀惠英紅慰問？）唔想騷擾佢。

黃日華：太突然了！仍是那麼年輕就離開大家而去！惠天賜先生（小四），一路好走，懷念！