董瑋協助辦理後事

身為小四師兄弟的董瑋昨日已在北京會合惠英紅協助辦理小四身後事，問到是否因為減肥過度而影響小四健康，董瑋說：「唔知身體狀況，但我唔相信因為減肥搞成咁，真係有待了解！」他指年多前出席師兄弟活動時，見小四是單身赴會：「當時佢都冇人陪，男人好少講感情事，只見佢一個人，相信都冇（女朋友），佢係一個有脾氣嘅人！」

至於近年長居北京的翁虹表示，數月前曾在北京某餐廳與惠天賜碰面，她昨日接受電話訪問時說：「佢同我講之前中咗風，不過好番好多，我哋之後仲WhatsApp約食飯，但因為有事要再約，點知個人已經唔喺度。要珍惜眼前人，見到嘅盡量見，希望小紅同佢屋企人唔好咁傷心。」至於惠天賜在北京的好友徐少強，則至截稿前未有回覆。

董瑋會合惠英紅，協助辦理小四身後事。