杏兒取代鄧萃雯驚青

胡杏兒將頂替鄧萃雯拍攝《巾幗梟雄III》，她與蕭正楠分別試造型，杏兒坦言壓力大，希望公司改劇名，明拆《巾幗》招牌。

胡杏兒和蕭正楠昨日分別為《2013年無綫節目巡禮》新劇《巾幗梟雄III》試造型，該劇將於明年二月拍攝，二人分別演間諜及黑道中人，杏兒與黎耀祥及蕭正楠都有感情線。取代鄧萃雯的杏兒頻呼壓力大：「兩集《巾幗》成績咁好，有份參與當然開心，但如果當係新劇會冇咁大壓力。」今次縱然是新故事，但問杏兒可擔心觀眾將她與雯女比較時，她笑說：「一定會比較，心情又驚又矛盾，但壓力都係動力，問吓公司可唔可以唔好叫《巾幗III》。」談到「冧莊」視后，杏兒謙稱沒想過攞獎，認為冧莊很難。

黎耀祥讚外形討好

至於最近憑《天梯》奸角「出位」的蕭正楠繼此劇後，亦拍攝《神探高倫布》，現時又於《巾幗III》中擔演重要角色，成了監製李添勝「愛將」的他接受電話訪問時說：「真係好多謝添哥畀機會，《天梯》係我第一次真正做衰人，就連家人同管理員都問我可唔可以唔好咁奸。」稍後台慶劇《大太監》他亦有甚多戲份，大有機會奪今年「飛躍進步男藝員」獎項。據知，將於《巨輪》飾演澳門餅店商人的他，現正洽談一個六位數字的餅店廣告。

而身在吉隆坡工作的黎耀祥指稍後會返港試造型，與蕭正楠合作過幾部劇的祥仔說：「佢不論做人、做戲都好成熟，外形亦好討好，聽添哥講佢今次角色都好考演技，希望佢愈做愈好，講到今年飛躍獎項，我非常之睇好佢。」