石詠莉（Sukie）與金融男友感情穩定，視對方為結婚對象，但前晚突然更新Facebook，將感情狀況由「訂婚」改為「一言難盡」，惹來分手及婚禮撻Q疑雲，不少Fans留言慰問。
記者昨日致電Sukie，問到與男友是否出現問題？她初時說：「唔知點講。（處於冷靜期？）私人嘢唔講。（畀人飛？）從來冇話要結婚，只係之前撳錯掣一直冇改，每段感情都會有一言難盡。（怕你嫁唔出？）我一定嫁得出，只係公司想我嘅感情事低調。（即係同男友感情穩定？）冇乜嘢，一樣係咁。（仲咁恩愛？）OK啦！」
石詠莉強調沒有與男友訂婚。（資料圖片）
