楊采妮唔會匿埋生仔
楊采妮（Charlie）昨日出席萬聖節籌款活動時表示，每年萬聖節，都會打扮一番去朋友家慶祝：「我嗰種打扮走出街唔會嚇親人，我最鍾意見到啲小朋友嚟要糖，玩吓佢哋。」談及好友已紛紛成家，但Charlie從不過問好友的生育問題：「我唔會畀壓力啲朋友，亦唔想人哋畀壓力我，鍾意細路仔，玩吓人哋嗰個都得。」
Charlie續說：「結婚、生仔，一切從心，我唔敢講幾時可以，但生仔一定收唔埋，我亦唔會匿埋生仔，有咗一定會公告天下。」她肯定今年不會定終身大事，因她初圓導演夢，要全情投入拍好電影《聖誕玫瑰》。
