性感激嬲老公 諸葛紫岐請食撻
諸葛紫岐（Marie）昨日穿低胸吊帶裙為《莎莎婦女銀袋日》行騷，同場還有謝婷婷和內地女星劉詩詩等。全場最性感的Marie被問到老公會否詐型？她說：「所以唔好畀佢見到，如果詐型都冇辦法。（老公畀你性感？）佢會叫我收到就收埋，如果佢嬲就請佢食蛋撻。」當得悉黎明和樂基兒分手，她大表可惜，並指與老公相處都是互相遷就。
另外，對於謝霆鋒獲提名金馬影帝，婷婷表示應不會到台灣出席頒獎禮：「我可能拍緊戲，我大部分時候都喺電視機前面支持佢。記得上次佢攞影帝時，我喺張床度，未試過嗌得咁肉緊。我一定會睇電視嚟睇佢，我驚我喺現場會失儀，如果其他人贏，我會叫佢坐低，推我哥哥上去。（想同阿哥合作？）當然想，但驚太早。（驚佢嫌棄你？）我驚我嫌棄自己。」
打扮性感的Marie表示若老公詐型，會請他食撻。
謝婷婷
劉詩詩