舊愛吳承浚驚青：唔關我事！
樂基兒（Gaile）前男友兼合資開餐廳的生意拍檔吳承浚，對舊愛離婚表示驚訝，他說：「吓？真係？我唔知呀！真係好可惜！好震驚！不過我同佢都冇聯絡。（你哋一齊開餐廳？）佢都講咗，係2004年，餐廳有成十幾廿個股東，佢同其他女股東熟啲！（有指黎明不滿你同Gaile一齊投資？）都係佢哋結婚之前嘅事，不過Gaile都好少落去！（擔心被人誤會關你事？）驚呀！實際真係唔關我事！我同佢都好多年冇見，如果有你哋都影到啦！（依家Gaile單身，你哋有冇機會一齊番？）機會唔大，因為我自己都有個女朋友，我都唔想講太多，希望Gaile樣樣都好啦！」而Gaile另一位前度男友陳平治（Perry）身在外地，他說：「我依家唔喺香港住，所以唔知道，同佢都冇聯絡喇！（佢之前為你鎅手？）咁耐都唔記得咗喇！」
吳承浚對舊愛樂基兒離婚大表驚訝。