契仔婚變胡楓心噏
黎明與樂基兒的婚姻只維持四年，黎明不少圈中好友戥他們可惜。
契爺胡楓：真o架？好可惜、好難過！郎才女貌應該一對！四月時見過黎明，但佢冇提過自己嘅婚姻生活，我同樂基兒比較「生暴」，只係結婚時黎明帶佢出嚟介紹過，當時覺得契仔充滿喜悅。（樂基兒太活躍？）唔知！家家有本難唸的經！（黎明唔易相處？）好難講！每人有不同見解。（問候？）唔需要，都唔知講乜好！
雷頌德：係好可惜，唔好講話結咗婚，就算一對男女朋友分手都係可惜，但大家都係成年人，佢哋決定得都係啱嘅。（影響錄音？）男人做嘢點會有影響，反而更多努力工作。
陳小春：唉……不便發言！（有見過黎、樂二人？）之前初入公司，有一齊食過飯，其餘不便回應。
杜汶澤：作為朋友當然會關心佢，但我亦認為佢可以應付自如，冇事係可以打敗黎明嘅！
胡楓（右）
雷頌德
陳小春