亞姐黎燕珊、許瑩、王欣及張家瑩等，日前代表「仁美清叙」探訪老人院，與三百多位公公婆婆預祝中秋，會長黎燕珊說：「送裝咗日用品、藥油嘅福袋畀長者，因為怕長者會食滯，所以冇送月餅。仁美清叙今年主力喺香港做地區關懷服務，11月2日嘅『仁美愛心滿亞洲』慈善籌款晚會，會為基督教家庭服務中心同明愛向晴軒兩間機構籌款。」
