祖兒隔空傳情讚暴肥浩龍好睇

天后容祖兒（Joey）自爆在中秋佳節行山，並搞爛Gag自嘲「人肉兩圓」，又隔空發表愛的宣言，大讚被指極速脹爆的男友劉浩龍：「幾好睇！」

容祖兒昨日與英皇歌手林峯、陳偉霆（William）、鍾舒漫及羅力威等到澳門出席活動，穿上透視露腰膠質衫．化身性感螢光Pink Lady的她，勁歌熱舞時露出「小腩肉」，又跟林峯在台上搭膊抱抱，Joey說：「我呢件係膠衫，唔過電o架！」

談到前晚中秋節，Joey自爆：「我同屋企人去行山頂，我十幾年都冇拎過燈籠行街，重拾番童年感覺。」問到佳節未能與男友劉浩龍人月兩圓，她大搞爛Gag說：「人『肉』兩圓？我都幾多肉o架！」再問Joey為何不陪「脹爆」男友減肥？她尷尬乾笑，並對男友隔空傳情說：「搞掂自己先！（佢肥咗成20磅喎？）幾好睇！」

William疑「激凸」

林峯則透露月中到內地拍攝武打片：「希望聖誕前可以返到香港，但未必趕得切返到嚟做台慶！」問他可擔心缺席而失獎，他即笑說：「咦？有啲咁嘅事？咁我話趕唔切返嚟，個獎咪凍過水？」

至於身穿緊身褲的William在台上疑似「激凸」，而大騷麒麟臂的他表示將與家人追月，但冇女友蔡卓妍（阿Sa）份，他對被傳情變只說：「唔想講咁多感情事，都冇新意。」