朱千雪赴日選美驚打風
應屆港姐季軍朱千雪昨日起程到沖繩參加《國際小姐》選美，早上約十時，她獨自推着三大箱行李現身機場，未見家人及粉絲送機，除了服裝外，她還帶了薯片和餅乾等零食「備戰」。由於中日關係緊張，問到赴日可有擔心安全問題？朱千雪說：「唔擔心！因為全程都會跟住大會活動，呢個又係國際性選美。」至於家人有否擔心？她說：「屋企人都唔擔心局勢問題，反而擔心日本打緊颱風，去到會即刻打電話報平安！」
她因TVB「冧Server」而被指失落港姐后冠，問到今次參選可有信心？朱千雪說：「都有上網睇過其他佳麗資料，但質素要到埗先清楚，心情唔緊張，保持平常心！」由於多達七十多位佳麗參選，可會擔心容易惹是非？她說：「唔驚！到埗會有歡迎活動互相認識，同埋今次都有中國、澳門、台灣佳麗參加。」
朱千雪拖着大堆行李，「全副武裝」赴日。