裕美家藏狗狗「洗碗機」
向來愛狗的歌手裕美，家中育有兩犬，令她生活充滿趣味及暖意：「我養咗兩隻狗，其中一隻係唐狗，差唔多14歲，都算係一隻老狗喇！（相處咁多年，有咩趣事？）佢年紀比較大，有少少撞聾，加上佢成日都瞓覺，有時叫佢嘅時候，都唔知佢瞓着咗定係聽唔到！」
至於另一隻愛犬，年紀比較小，裕美說：「佢係查理斯獵犬，今年4歲，比較百厭！每次食飯嘅時候，佢都會好快食完自己嗰兜，然後幫唐狗執手尾，而且食得好乾淨，好似洗碗咁！」
育犬多年的裕美，還大方分享養狗心得：「我試過買防吠狗帶，不過佢哋戴得唔舒服，仲吠得勁啲添！大家要諗諗唔同嘅狗仔有唔同嘅訓練方法，身教就最好喇！」
裕美最愛親親狗仔，分享體溫。
