李亞男返加國 瞓草地歎Free餐
無綫小花李亞男（Leanne）月前往加拿大溫哥華兩周探望家人兼旅遊叉電，她笑言由於當地天氣很好，不時有清風送爽，感到既舒服又愉快。Leanne透露今次最難忘的是遊覽當地著名旅遊點Whistler：「嗰度出名滑雪，雖然我哋冇滑雪，但喺山上面嘅民宿住咗一晚，仲喺入面打邊爐。嗰度好似個小鎮咁，有好多戶外Shopping嘅地方，夜晚又有音樂會，好多人企喺度睇，好熱鬧同溫馨。」
Leanne又指最愛在溫哥華野餐：「夏天好需要野餐，但香港唔知搵邊度野餐係冇人影囉！所以我第一時間建議去公園，瞓喺草地度好Free咁欣賞大自然！我仲特登食咗嗰度好出名嘅熱狗，感覺好輕鬆滿足。」她笑言最愛的加拿大美食是父親烹調的龍蝦：「我爸爸嘅拿手菜係珍珠糯米龍蝦，細個我好鍾意食，但因為怕肥，今次淨係食咗齋龍蝦，但喺屋企嘅花園仔邊飲紅酒、邊食龍蝦，一樂也。」
李亞男返加國探親兼去公園野餐，享受大自然。
李亞男住民宿聽音樂會，人生一樂也！
李亞男至愛父親炮製的珍珠糯米龍蝦。