超盈揀男友首要影得

iPhone 5昨日正式在港發售，成為不少明星名人追捧的潮物，大美人林青霞更是全港首位名人用家！而早前宣布分手的賭王四房長女何超盈出席手機活動時表示追求者眾，並不求門當戶對，又希望父親送車做生日禮物！

不少圈中人昨日在微博大晒iPhone 5，有公關上載林青霞手執電話的照片，但只見其晒巨鑽的玉手，卻不見其人，更指林青霞是全港首位iPhone 5用家。而張智霖（Chilam）、模謝芷蕙都在微博晒命買到iPhone 5，Chilam更笑問：「我是第一個用iPhone 5拍照的藝人嗎？」

另一邊廂，何超盈早前突然與拍拖多年的男友Greg分手，並一直在美加兩地療情傷。神采飛揚的她昨日與名模Jessica C.及Ana R.等出席3Shop在中環舉辦的《3 iPhone 5》開賣活動，對於被指已有新歡鬍鬚男，超盈說：「佢只係我髮型師，嗰日整完頭，佢咁啱放工，我哋先一齊行！對方已有女友，唔想影響到佢，真係好對唔住！（你感情有冇着落？）未有，揀吓先，係有人追，如果拍拖一定公開！」

開口叫賭王送車

超盈更大爆其擇偶條件，就是對方要接受其家庭背景：「要信得過！（受過情傷先咁諗？）唔係情傷！只係大家屋企夾唔到，佢係普通人家，接受唔到我太高調嘅屋企，同我一齊唔慣畀人影！（同富二代先得？）唔一定，但要接受到畀人影囉！」而後日生日的超盈透露將考車牌，問到會否叫賭王送車，她笑說：「有暗示過！但爸爸唔明女仔點解要揸車，加上又有司機，認為香港揸車危險！」