新片打對台熊黛林城城互撐
熊黛林及鄭中基等前晚出席電影《男人如衣服》首映，熊黛林因穿高跟鞋而高上加高，搞到在場男士都對她「畏」而遠之。對於將和緋聞男友郭富城的新戲《寒戰》打對台，她說：「唔同！我呢套係喜劇，佢嗰套係動作片，不過我哋遲啲都會互相捧場。」談到好友樂基兒和老公黎明婚變傳聞，她表示現時跟樂基兒很少見面：「因為佢依家好少行騷，希望唔係真！如果係會好遺憾，好可惜！（做天王嫂好難？）我未係！唔知！」
而鄭中基偕太太余思敏恩愛出席，問及好友張達明的病情時，他說：「早兩個禮拜先同佢食咖喱同和牛，佢半年前已經康復得好好。（達明事業受病情影響？）冇乜大影響，嚟緊會同谷德昭合作《龍咁威3》，預埋達明！」
熊黛林悉心打扮出席新片首映。
鄭中基與老婆余思敏晒恩愛！