式浩祝福姊姊：點會唔贊成？

對於趙式芝的婚事，其同父異母弟弟趙式浩坦言聽朋友講過，但沒有求證，若是事實會送上祝福。他大讚Sean為人很好，二人很熟落，問到是否贊成，他反問：「點會唔贊成？家姐開心就得。（爹哋好似唔贊成？）我唔知爹哋點諗，我哋喺佢面前好少講呢啲嘢，其實佢好開通。我覺得每個人都有自己嘅想法，好似我咁，生咗仔都冇結婚。」

而趙式芝的堂姊趙式和則揚言不知情：「唔知佢哋行禮，因為最近好少見。」她透露與Sean相識多年，雖然不算熟落，但覺得對方很友善，而她對趙式芝的決定亦十分支持：「佢開心就得。（佢爸爸唔接受？）明白，始終上一代諗法同呢一代唔同。」

趙式浩（左圖）與趙式和對Sean印象甚佳。