趙世曾震驚：冇可能

趙式芝前晚公開與同性密友楊如芯（Sean）的已婚關係，其父趙世曾前晚及昨日兩度接受電話訪問時，均堅決否認女兒已婚，又揚言不會向女兒問清楚，完全採取鴕鳥態度！

趙世曾女兒趙式芝與同性密友Sean，前晚在公開活動上宣布已於今年4月在法國結婚，趙式芝坦言父母不想她主動去講，暗示父母對她的婚姻不太認同。

未見過Sean

記者前晚致電其父趙世曾，他聽到女兒的婚訊後難以置信，多次反問：「你講邊個？阿芝？」其後更斷言：「你搞錯喇！」問到是否知道女兒跟Sean拍拖，他揚言完全不知情，亦未見過Sean，並再度強調：「突然結婚？冇可能！佢冇帶佢（Sean）畀我睇過，我唔知佢係邊個。（尊重女兒嘅決定？）冇人同我講過，我完全唔知，係你哋搞錯！」

事隔一日，記者昨日再度致電趙世曾，他依然不肯接受女兒已婚的事實，只重複表示沒有這回事。問到有否致電女兒問清楚，他堅決地說：「冇啲咁嘅事，我冇打畀佢，我唔會問清楚！」似乎想「斬腳趾避沙蟲」，問到是否不能接受，他一再強調：「都冇咁嘅事發生，總之係假！」