朱紫嬈錄歌轉唔到台

創作女歌手朱紫嬈（Khloe）日前錄製新歌《悲劇戀曲》，她表示新歌加入古典元素，歌曲中還會加入一段德文歌劇，問到要唱德文是否一大挑戰？她說：「因為我以前係讀音樂，所以都唱過Opera，以前都係要唱德文、法文，所以對我嚟講唔太難！」但Khloe直言此歌對她來說壓力較大：「以前比賽唱完一次就得，依家唱完人哋可以不停翻聽，好驚大家會聽到有咩錯漏，所以都特登搵古典老師惡補一下，等咬字標準啲。」Khloe透露錄音時有「轉唔到台」的情況：「因為一首歌有兩種語言，唱歌劇同流行曲個唱腔又唔同，所以頭幾次都調校唔到，轉唔切。」

新歌混合兩種語言，Khloe錄音時轉唔到台。