吳雨霏為紅館騷急凍戀情
將於下月假廣州開騷的吳雨霏（Kary），明年一月將再踏紅館，忙得連網球王子男友洪立熙都要放埋一邊！由於曾表示兩人冷戰中，問到現時與對方的發展？Kary說：「唔諗住，放埋一邊！做完兩個騷先算。（急凍？）係o架，舞台、歌衫甚至Rundown都會參與，希望成件事Grand啲。」
Kary還透露會多唱快歌，亦會以性感歌衫配合。問到男友可會介意？她即甜笑說：「唔係話介意嘅，會提點吓囉！」26歲的她表示身邊人開始替她擔心婚姻大事，但現時卻將感情事放在一邊，不希望愛情影響工作，問到是否值得？Kary信心爆棚說：「離紅館騷得番三個月左右，咁都捱唔過嘅話，段感情就好脆弱喇！」
吳雨霏為紅館騷積極備戰，務求以最佳狀態見歌迷。