曹永廉損手腳阿仔氹番補數

自四歲半兒子Brandon呱呱落地後，曹永廉與太太姜依蘭生命開始起變化，如今還增添15個月大的女兒Erin。每提起湊仔經，當年只愛鬧着玩的廉記就像博士一樣，他說：「囝囝大咗開始講道理多咗，細個未識聽，所以要惡少少！」小朋友漸漸成長，窩心事愈來愈多，每提起小朋友如何氹自己，廉記笑到見牙唔見眼：「好似我整損手腳，佢一見到就會走埋嚟問我有冇事，叫我要小心。我哋行樓梯出門口，佢就會叫我小心跌，又會叫我慢慢揸車，甜到呢！依家半夜我會幫佢冚十次被，每次佢都會朦朧咁講：『唔該爹哋！』佢可能唔知自己講過，但一聽到就開心！」

曹永廉忙搵錢養家，珍惜一家四口享天倫的時光。

曹永廉教導有方，一對仔女聽話又有禮貌。