「蘇基」古明華為女兒演下去
無綫藝人古明華憑新劇中扮演乸型「蘇基」而人氣急升，其中一場與養母蘇恩磁的喊戲，更得到網民的讚賞！對於能自然流露，原來與自身經歷有關，他說：「因為我媽咪年半前去世，佢對我影響好大，所以對『我想要媽媽』嘅感覺捉得好準，投放番呢個感情戲，做得好平實！」
演藝學院出身的古明華熱愛演戲，但曾為賺多點，一度決意全力轉做配音：「曾經同老婆、囡囡開家庭會議傾轉做配音，但囡囡知道我鍾意做戲，所以佢反對，仲鼓勵番我！」提起默默支持的家人，他也不禁眼濕濕說：「當時覺得連個女咁細個都識體諒我，我就唔可以自私，更加應該去做配音，因為想畀更好嘅物質生活佢哋！」
古明華曾想過放棄拍劇，卻遭女兒反對。