Rick Chin攻美容界 丘凱敏甘做白老鼠

與星級化妝師Rick Chin合作教扮靚的靚女主持丘凱敏,為力撐對方進軍美容業,「畀面」做美容白老鼠!

兩位「愛美麗人士」丘凱敏(Anna)與Rick Chin攜手在電視節目中教授扮靚心得,Rick Chin自爆曾被導演狠狠地Hurt過,令他「痛改前非」,決心執靚自己:「記得6、7年前,曾經有位導演話我成日幫人扮靚,但點解自己個樣咁殘,真係要執執佢!以前細個生過好多暗瘡,所以皮膚好差,但依家皮膚已經好好多,人哋360度嚟望我都未驚過!」

英國讀皮膚學

問到有何美容妙法?他說:「幾年前我去英國讀皮膚學,發覺醫學美容可以幫助解決好多皮膚問題!依家我仲進軍美容業,都係希望可以幫到更多人!」

與Anna老友鬼鬼的Rick Chin經常邀她做「白老鼠」,免費請她做Facial,她說:「現時唔少美容院質素參差, 我都係信得過Rick,先放心交塊面畀佢!」Rick Chin聞言即說:「我做生意全憑良心二字,我哋喺《女皇駕到》第二輯會教大家美容嘅正確知識,希望大家識揀,唔好美容變毀容!」

李佩珊

Rick Chin與Anna攜手合作,帶領大家尋找正確的美麗之道。

Anna指市面上的美容院質素參差,故她首重口碑。

Anna笑言信晒Rick Chin,「畀面」做白老鼠。