長腿誘人煩惱多 Lynn冇得鬼祟夜蒲

名模熊黛林日前接受ontv訪問時，自爆最怕在人前穿着性感服裝，更坦言生得高唔着數，反而是個限制！

熊黛林（Lynn）日前以一身型格Look拍攝造型照，除了伏在電單車上，更任由大風扇迎面吹着，營造飄逸感覺。雖然吹到頭都甩，但她仍處之泰然擺出不同甫士，名模認真唔易做！雖然出騷無數，但Lynn接受ontv訪問時表示，若工作服飾太性感，她會感到害怕：「如果太性感嘅話，我會好驚人哋會唔停咁望住我！」

嘆城城好耐冇讚

身形高挑的Lynn，笑言自己的長腿最煞食，但她從沒量度長腿有多長：「我真係冇度過喎！我諗都有43至44吋嘅，哈哈！」她表示雖然不少女生羨慕長腿，不過她經常為自己的身高而感到煩惱，尤其夜蒲時：「雖然我唔係成日出去蒲，不過生得細粒嘅女藝人就可以戴帽咁混入去，我生得咁高，企喺度都畀人望到啦！所以我唔會鬼鬼祟祟，不過最緊要都係自己小心啲囉！」

提到男友郭富城（城城），Lynn顯得相當避忌，更表示很久沒聽對方對她說過讚美的說話。想知道更多Lynn與城城的故事？即刻Click入ontv慢慢睇啦！