Super Gear淘汰賽注新血

樂壇女子組合Super Gear殺入樂壇主攻跳舞市場，早前憑隊長阿Ling填詞的歌曲奪「新城國語新勢力組合」，組合更將會舉行隊制淘汰賽！

現時為全港最多成員的女子組合的Super Gear共有16名成員，來自不同行業，包括救生員及魔術師等。由於日本有組合AKB48、本地薑有Super Girls等，令她們難免被外間拿來比較，不過她們坦言不會看得太重，做好自己便足夠。她們將會舉行隊制淘汰賽，雖然形式未定，但希望發掘有潛質的生力軍加入：「我哋依家都不斷訓練緊啲新人，陸續會有新人加入。（成員人數有冇上限？）冇！有幾多人加入我哋都好歡迎！」

自爆出騷事

人多勢眾的Super Gear成員間難免有拗撬，她們表示只對事不對人，不會影響友情。為了令成員更有規律，早期成立「遲到基金會」，初期因太多人遲到，罰款較多，其後已減少，令她們不敢遲到！提到藝人言行舉止容易成為話題，她們表示不能控制別人的想法：「經理人漢洋會教我哋講嘢嘅技巧，我哋係新人，但有好紀律，如果做得唔啱，歡迎前輩多多提點。」

此外，Kinki大爆去年除夕出席倒數活動的趣事：「我哋同師姐陳蕊蕊出席倒數，數完三、二、一，全人類都講Happy New Year，點知我哋就講咗：『我哋喺Super Gear，我哋正式出道啦！』（好（火羅）？）唔會！仲覺得好開心！」