司徒法正拍靈異片炸傷眼
玄學家司徒法正今年再炮製靈異電影，早前率攝製隊到東南亞拍攝外景，不慎被爆炸傷眼：「已經好番好多，醫生話冇大礙！今次我哋都做足安全措施，搵埋醫務人員去外景，因為有危險性，搵女主持都要個女仔簽生死狀，搵大膽嘅女仔唔難，最難係我哋冇劇本，因為我哋唔係做戲，好講臨場應變，拍出嚟先好睇，今次我哋會另外做個版本入內地，希望打開內地市場！（點睇同類型電影《魕》？）潘紹聰係我好朋友，佢轉用電影手法講靈異，成績不過不失，恭喜佢！我覺得各有各做，百花齊放。（有冇留意司徒夾帶扮你？）我唔介意佢扮我，佢幾有創作力，曾經嚟拜訪我，對我幾尊重，我唔排除將來會搵佢做啲嘢。」
司徒法正拍戲期間，不慎炸傷眼。
