遊韓國冇仔陪趙彤「重傷」

來自台灣的趙彤（Yedda）早前應邀到韓國拍旅遊特輯，她慨嘆沒有男伴，浪費迷人靚景：「特登學定韓文『我係單身』，諗住識番一、兩個有型韓男，點知檔期好密，去咗好多個韓劇浪漫外景場地，不過有好多地方係車去唔到，我着住高跟鞋行足45分鐘先去到崖邊，日日咁行搞到雙腳好腫，但點都唔及孤伶伶冇男朋友陪，自己一個對住啲浪漫景咁傷，後來我去到鎖滿同心鎖嘅景點，特登揀咗個印住男仔圖案嘅鎖，希望可以快啲鎖番個男仔！」

拍完特輯，Yedda賣甩大隊，多留一日，莫非鎖中韓男？她說：「去咗體驗韓式蒸浴，不過係同女監製、女化妝師去囉！韓國人剝光豬蒸，我哋怕唔好意思，要輪住入去蒸！」

趙彤入鄉隨俗穿上韓服。