仙杜拉謝安琪冶一爐 顧嘉煇個唱新舊交融

歷年來打造超過1,200首經典金曲的「香港樂壇教父」顧嘉煇，在明年踏入八十大壽前，將於11月舉行演唱會，邀請殿堂級及流行曲歌手打造斥資千萬元的完美巨星夜！

打造不少家傳戶曉經典金曲的著名作曲家顧嘉煇，將會聯同多位新朋舊友，於11月30日至12月3日假紅館舉行四場《顧嘉煇大師經典演唱會》。除了曾和煇哥合作的鄭少秋、仙杜拉、林子祥、葉麗儀、張德蘭、譚詠麟、羅嘉良及凌波等擔任嘉賓外，實力非凡的新一輩歌手包括陳奕迅、謝安琪及黃耀明等亦會現身助陣！

個唱的出品人丘亞葵說：「煇哥好欣賞新一輩，所以邀請陳奕迅佢哋！最有趣嘅係打畀主唱《真情》嘅李樂詩，佢啱啱生完喺產房出嚟，一聽電話即刻話好痛好痛，但都一口答應，可謂產後第一個騷！」

丘亞葵表示煇哥已有十二年未有舉行演唱會：「由2005年籌備到依家喇！喺1998年同埋2000年煇哥同黃霑都搞過《煇黃》演唱會，本來打算2005年再搞，可惜霑叔2004年過身，煇哥心情又唔好，所以搞唔成。多年後煇哥心情平復咗，近年又被邀參與創作電視劇主題曲，包括2007年李克勤同小剛主唱嘅電視劇《歲月風雲》主題曲，所以決定今年再舉行演唱會！」

斥資逾千萬元

丘亞葵續說是次演唱會斥資逾千萬元，為令場內每個觀眾都能投入享受，除了四面台都會有LED屏幕外，現場有35人大樂隊演奏打造最好的演出效果，更會為個別歌曲邀請不同樂手演奏，他說：「好似仙杜拉首《啼笑因緣》，特別邀請著名二胡樂手霍世潔聯同另外廿位二胡樂手演奏！」而今日偕太太從加拿大抵港為演唱會準備的煇哥說：「我真係好開心，好期待今次嘅演出！」