關楚耀睇七百萬豪宅
男歌手關楚耀（Kelvin）今年工作不斷，他有份擔演的電影《喜愛夜蒲2》票房逾千萬，令他首次躍升「千萬票房男星」。據知他獲不少導演賞識邀請拍戲，令Kelvin受寵若驚。據悉，工作不斷令他荷包進帳近百萬，向來廿四孝的他更有意首次置業，與家人愈住愈好。
日前下午，Kelvin與母親到地產舖睇樓，與地產經紀言談甚歡，Kelvin拿了不少參考資料細閱，又問媽咪意見，愈傾愈興奮。其後兩母子到餐廳醫肚，再到海味店買海味，逗留十多分鐘已有斬獲，最後由Kelvin埋單。Kelvin事後向本報表示有意買樓做業主，他透露今年收入激增，而現時與家人同住，賺到錢當然希望與家人住得更好：「依家主要揀港島區，目標係七百幾萬嘅樓，做仔嘅梗係要孝順，因為平時已經少時間陪媽咪，所以嗰日同佢行街食嘢，仲買咗啲近千元嘅螺頭同瑤柱孝敬佢。」
關楚耀和媽媽一同到地產舖。