郭羨妮BB有便便

榮升媽咪的郭羨妮產後已火速收身,昨日她與陳錦鴻出席活動時大談BB經,當提及囡囡Kylie有「便便」更喜上眉梢,可見母愛氾濫!

今年五月誕下女兒Kylie的郭羨妮(Sonija),每次出席活動都會提及愛女,昨日她聯同陳錦鴻、黃浩然及楊秀惠等出席無綫新劇《初五啟市錄》的開鏡拜神儀式時透露,開工期間經常與已為人父的陳錦鴻分享湊仔經,更興奮地分享「便便經」:「前幾日BB冇便便我好擔心,有同事教我煲嘢畀BB飲,之後佢有番便便,做咗媽咪先知道原來BB有便便係會好開心!(點解咁心急開工?)有約喺身,唔拍唔得,但遲啲都會減產!」

3個月減38磅

產後極速收身的Sonija穿起戲服,身形弗到漏,她自言戒食澱粉質,3個月內減掉38磅肥肉,現在只有110磅,她笑言獲同事大讚比生女前更靚。對於緋聞情侶楊怡與羅仲謙因被指「車震」令戀情曝光,Sonija聞言說:「好事呀!男女拍拖結婚好正常,如果係真嘅都值得恭喜!」

遇激情男女嚇窒

她又指自己曾激情過,但現在在港鐵遇見激情男女,亦會感到嘩然:「呢啲嘢返屋企先做啦!不過我唔係講緊佢哋(楊怡及羅仲謙),佢哋都係想避開鏡頭啫!」至於陳錦鴻則認為報道純屬措辭誇張,又表示不相信該報道。

影視組

Sonija說起囡囡有便便,心都甜晒。

陳錦鴻跟同場的演員玩到癲晒,一額汗!

林夏薇(右)食燒豬時露出一副為食樣。

楊秀惠毫不吝嗇,穿短裙大騷美腿。