李玟調節飲食谷孕
李玟（CoCo）昨日以「粉紅大使」身份出席於海港城舉行的《「粉紅革命」關注乳癌及籌款活動啟動禮》，問到是否心急生BB？CoCo坦言要看天意：「難！但希望有機會，會注意飲食，生BB最緊要身體健康，前排有人見我肥咗就問係咪懷孕，其實仲未，依家太早，唔講呢啲！」並笑說：「如果下個月就知有咗，會好開心，天意唔可以抗拒，哈哈！不過生咗先話你知！」
癌症基金會創辦人及總幹事羅莎莉表示，CoCo支持該會多年，絕對是「粉紅大使」不二之選。而CoCo亦有作定期身體檢查，她更說：「平時會做Gym，冇時間就跳舞當運動，食嘢都好簡單，都係食豆腐同少鹽！」對於老公Bruce近日心廣體胖，她即說：「佢每日都有做運動o架！」
自認「很乖」的李玟，有定期做身體檢查習慣。
癌症基金會創辦人及總幹事羅莎莉（左）與李玟一同宣揚關注乳癌訊息。
李玟與癌病康復者握手及合照。