睇相慶到皺眉「唔使問啦係咪！」
黎淑賢前日下午到其夫許智政的公司，記者即上前追問為何暴瘦，但她未有回答，只叫不要再拍照。被問到與老公分居一事，黎淑賢只說：「唔係同一個地方住囉！（因為有第三者？）住緊幢大廈維修好嘈，同啲細路搬先，佢有時都會返嚟。」不過，當遞上老公攬啜照時，她即愕然睩大眼，拿着逐張睇時更慶到皺眉，並晦氣表示不認識相中女子：「唔知發生咩事！（知老公有好多女埋身？）唔知！（細路撫養權歸你？）都唔係咁，你哋問嚟冇意思！」說罷即入升降機。
約45分鐘後，眼紅紅的黎淑賢離開，問到看見攬女相後是否很難過時，她強忍淚水說：「完全冇任何嘢。（啱啱質問老公？）唔使問啦係咪！」但她又突然表示百分百信任老公，隨即上車離開。至於許智政兩小時後離開，有備而來的他見記者即速閃，問到分居一事只拋下一句「唔係」，又擰歪面避睇攬女相，極速上車走人。
黎淑賢本來身形豐滿，但近日暴瘦至百磅。
黎淑賢與兩子搬離愛巢，遷往附近的雲景臺「分居」。