如常搵人仔 城城：冇食日本菜好耐
內地反日情緒升溫，郭富城與陳豪前晚出席PCCW旗鑑店開幕儀式時呼籲大家冷靜，其中城城表示其內地工作照舊，問到會否罷買日貨，他說：「我冇食日本菜好耐啦！（梁朝偉拍日本片畀人鬧？）每個人做嘅嘢唔同，我會放多啲時間喺中、台、星馬。」陳豪則認為不應傷及無辜，問到會否叫女友陳茵媺小心，他笑說：「人人都要小心！（罷買日貨？）處理暴亂問題先。」
而昨日出席另一活動時，城城透露愛駒「愛的呼喚」將於周日首度出賽，並與陳百祥的「莫己若」同場。親自為騎師設計綵衣的他，將由北京趕返港捧場，問到會否偕緋聞女友熊黛林入場，他說：「今次唔會高調，隻馬第一次出賽，唔係好有信心，第日有信心先叫多啲好友支持。」
城城無意阻止熊黛林北上工作。
陳豪身穿職員制服行Catwalk，吸引大批市民圍觀。