祖狄羅神奇變髮型晒

現年39歲的英國男星祖狄羅(Jude Law)出名靚仔,可惜M字額十分嚴重,幸最近他宣傳新片時,頭髮再現濃密,當堂開心晒!

人無完人,金無足赤,祖狄羅出道時憑靚仔樣成為萬人迷,不過人隨年漸長,頭髮亦捨他而去,就算個樣更靚都大打折扣!幾個月前,祖狄羅宣傳電影《福爾摩斯2:詭影遊戲》(Sherlock Holmes:A Game Of Shadows)時剪短了頭髮,令其M字額更為明顯!難怪他很多時候也戴帽,遮掩禿頭!

不過,現代科技一日千里,人類也可以扭轉自然!最近祖狄羅宣傳新片《Anna Karenina》時,頭髮明顯濃密了很多,髮線更神奇向下移,收復失地,配合他留的鬍鬚,一時間Man爆,重拾昔日風采,信心返番嚟,笑容也淡定得多!

髮型遭子女藐爆

雖然祖狄羅回勇不少,其實新片中他要「扮」禿頭與變醜,配合角色需要。他曾於接受訪問時說:「我啲仔女對我片中嘅髮型勁唔滿意,3個月來我都要戴帽示人!」

外娛組