香香紅「透」宅男界

前中華小姐冠軍岑麗香於劇集中憑濕身透Bra及除Bra的演出，迅即被封為新一代宅男女神，不過她想起仍覺尷尬，更坦言不會靠身材搵食，又自爆被惡搞花名為「尋日香」！

網友過往都捧紅過不少宅男女神，例如高海寧及苟芸慧。前華姐岑麗香（Eliza）近期憑於劇集中濕身透Bra及除Bra令網友留下深刻印象，火速上位成為新一代女神！Eliza一臉尷尬地說：「我真係好多謝網友嘅支持，我唔係特登着白色T Shirt，係因為連戲所以先咁着，拍嗰陣我已經知道我件衫透透哋，但都冇辦法，要頂硬上繼續拍。」令她最意想不到的是受到網友吹捧，但她強調不會刻意賣弄身材吸引觀眾。

自幼在加拿大成長的Eliza因不太懂廣東話，在溝通方面鬧出不少笑話，她更自爆被工作人員惡搞花名：「有次佢哋唔叫我做『香香』，叫咗我做『尋日香』，之後我就喺度諗『尋日香』係咩意思？當我知道點解嗰陣我就話我未死呀，我仲返得工呀！」鬼妹仔性格的她不但不介意，反而覺得非常搞笑！

跳海爬豬欄嚇窒

Eliza自卸任後即拍劇做主持，首次擔重戲份的她便要跳海及爬豬欄，她坦言接到劇本時十分驚訝：「我見到第一集要做咁多嘢嗰陣，我感覺係有啲驚。因為第一集已經做咗咁多嘢，咁之後我仲有咩好做呢？」不過她表示當時已「豁出去」，抓緊機會發揮演技。