Yumiko跟青雲練「戲」功

熱情如火的鄭希怡在英皇電影《消失的子彈》中自我挑戰，演繹一名外冷內熱的解剖師，對於能跟影帝級人馬劉青雲及謝霆鋒合作，她說：「係一個難忘嘅經驗。」

在英皇電影《消失的子彈》中，鄭希怡（Yumiko）要挑戰外表冰冷、內心灼熱的解剖師。有多位好戲之人，如廖啟智等合演《消》片，不過Yumiko特別點名多謝兩位影帝級人馬劉青雲及謝霆鋒：「有段戲講青雲嚟同我講我暗戀嘅男仔嘅死訊，呢場係最難忘嘅戲份，因為拍嗰陣青雲不斷畀戲我，我感覺到佢好想我哋合力做好套戲。呢種無私嘅精神，令我印象好深。至於霆鋒，我同佢已經係第三次合作，佢今次都好似以前咁認真，而且愈來愈成熟，係個有分量嘅影帝。」

Yumiko在兩大影帝面前亦倍下苦功，她說：「我演嘅係解剖師，我睇咗好多資料，又上網睇熟晒呢類專業人士究竟係點樣講嘢、有咩動作，又聽導演羅志良話，諗定九十九種演繹方法至去開工，但當我帶埋我嗰九十九款演法去現場，導演竟然一樣都唔要，要我臨場再發揮，今次真係一個難忘嘅經驗！」

嫁咗照拍戲

提到感情事，她說：「雖然我都唔肯定呢套戲係咪我婚前最後一套戲，好多嘢話唔埋，話唔定（男友）最終唔娶我呢！不過結婚對我係完全冇影響，只係身份唔同咗，工作都係照做，演員就要有演員嘅道德。」

影視組