汪詩詩愛夫紋身冧到喊

汪詩詩前晚出席活動時表示，被老公甄子丹的愛的紋身感動到眼濕濕，年幼的兒子卻不懂欣賞，見到紋身時竟指着爸爸說污糟，還叫爸爸快些洗澡。

汪詩詩與妹妹汪圓圓前晚齊齊欣賞Harvey Nichols時裝騷，當晚的嘉賓還有江若琳、1994年港姐亞軍活麗明及其丈夫等。

詩詩透露早前與老公甄子丹到布吉旅行，非常Relax，但未有趁機造人：「造人就唔Relax啦！」提到子丹身上有「詩」字的紋身，她說：「見到時都好感動，睇到眼濕濕。（你都紋一個回禮？）唔得，媽咪會鬧！屋企人好傳統，爹哋媽咪唔鍾意，但今次對我嚟講好特別。（佢哋知唔知子丹紋身？）知，仲話我哋係Crazy Kids。而囝囝游水時見到爹哋個紋身，佢唔知係乜，仲話『爸爸你好污糟，快啲沖涼！』」圓圓則表示不會紋愛的紋身：「紋身係一生一世，而我係模特兒，紋身唔夠專業！」

活麗明勇敢削髮

另外，江若琳自爆不懂穿高跟鞋，剛到場時更險發生意外：「以為自己好靚咁行緊入場，點知唔小心失重心，仲好大聲咁嗌咗一聲，其他人都望住我，覺得好火羅！」她笑言希望將來結婚舉行比堅尼派對，並踢拖上陣，而單身的她覺得好男人難求。同場的活麗明剪了一頭Skin Head，她表示想剃髮多年，但一直未有勇氣，老公也很喜歡其新髮型，對她非常支持！