為姊姊做伴娘周麗淇送嫁順道(目及)仔

周麗淇昨晚出席時裝品牌Max & Co.新店開幕時，被問及姊姊周汶錡與法籍男友的9.29婚禮，她指婚禮已籌備得如火如荼，但問到是否在康城舉行，她只表示在附近。將擔任伴娘的她說：「見到家姐出嫁好開心，終於嫁喇！我安心晒！（你想唔想嫁？）緣分未到冇得急，你哋唔問我就唔會急。（叫家姐到時介紹男仔畀你識？）我會睇吓男家有冇靚仔，但家姐話男家好多都結咗婚。（你鍾意外國人？）講笑咋！見到靚仔會望吓嘅！」

同場的黎明愛將文詠珊（Janice Man）則透露忙於搬屋，並重申與舊愛李冠峰未曾同居。對於老闆黎明與樂基兒屢傳婚變，她說：「呢排冇時間見佢哋，相信只係傳聞，唔係真嘅。」

周麗淇不急於出嫁，靜待緣分來臨。

文詠珊認為置業壓力大，要三思才實行。