環球免費歌撐有線Kary踩多無綫一腳

無綫被左右夾擊！就版稅問題多年來與環球唱片談不攏，環球現時跟有線合作，派吳雨霏為外購劇集拍MV，明剃無綫眼眉！而城電王維基前晚則率領百多位藝人舉行慶祝活動，不時勁踩無綫製作，搞到慶祝會變圍剿大會！

無綫腹背受敵，既要面對城電，連有線都靜靜起革命！據知，環球就版稅問題，始終未與無綫破冰，近期在有線多番游說下，安排吳雨霏（Kary）為其灌錄外購劇《清宮奇女子甄嬛傳》（又名《甄嬛傳》）主題曲，更不收分文，而Kary已到內地影城拍攝MV，她將是首位為有線拍攝MV兼唱劇集主題曲的歌手。有線為隆重其事，於周六會舉行記者會宣布合作事宜，今次環球可謂明剃無綫眼眉！對此，有線發言人證實力邀Kary，但不肯透露是否沒酬勞，只謂有誠意！

射擊疑似TVBuddy

另一邊廂，城電集團主席王維基前晚率領百多位藝員出席城電成立廿周年慶祝活動，出席藝人包括黃日華父女、張可頤及林文龍等，不過慶祝會頓變圍剿無綫大會！王維基不時領眾人揶揄無綫製作，指電視台應尊重觀眾，不要拍垃圾節目，又指他們都會拍瓦努阿圖的綜藝節目，但不似鄭伊健的「梳乎」！他又指其公司製作的劇集製作以美、日劇為標準，不會炒冷飯、不會當港劇做，現時未有抄橋情況，明踩無綫劇集。其後，他與旗下總導演進行打壓冇誠意、冇創意等創作，齊齊用水槍射擊一個疑似無綫TVBuddy的字牌電視。王維基表示捱了廿年，現時多人撐，一「吹雞」便有四、五百人一齊玩，有很大鼓勵。問到是否有牌照更好？他說：「好快啫！咁節目都要多，唔係有牌都冇用。」

華哥爆可頤「生仔」

至於正為城電開劇的黃日華，與女兒黃芷晴合作，大讚女兒肯搏，有少少遺傳，又指責罵女兒交給導演。問到若有導演向女兒動粗會怎樣？華哥說：「我會同佢講唔可以咁做，其他人我都會出聲。」期間，他跟可頤在台上傾偈，當可頤表示已準備下月開劇，他笑說：「準備生仔呀！」可頤說：「都準備o架嘞！」事後可頤笑說：「結婚都準備廿年啦！依家唔知啲蛋仲得唔得，使唔使儲蛋呀？有個女朋友叫我雪住先，我都有諗過！」問到其老外男友？她指現時給機會自己及身邊朋友，坦言不只一個追求者。

另外，早前被無綫雪藏而鬧不快的姜文杰，昨日到電台受訪時呻過檔城電前有五個月冇收入，經濟拮据，感激新老闆王維基支持：「音樂上佢畀好大自由度我，會做我後盾。拍戲辛苦，但係有好多機會畀我發揮。」