o靚模Rika過江尋知音 唱住搵銀圓夢

o靚模多是靠「露」幾多而決定搵幾多，但形象健康的前新八模成員Rika（王麗嘉）就賣藝搵食，幸運的她得到公司賞識和支持，讓她可邊搵食邊追求夢想。

鬼妹仔性格的Rika以「新八模」成員身份投身娛樂圈及推出寫真集，她其後與「新八模」成員之一的余曉彤（Hidy）組成跳舞歌唱組合OctoBeez。Rika揚言初出道時擔心香港人不接受來自越南的她，一來廣東話不標準，二來其餘七位成員全是本地人，難免會有比較或競爭！幸她得到公司的欣賞及安慰，獲得不同的演出機會。

Rika表示入行時已渴望當歌手，對音樂充滿熱誠。讀書時已才華洋溢的Rika談到這裏已眼泛淚光：「記得讀小學時，有位好錫我哋嘅老師過咗身，我哋嗰班作咗首歌唱畀佢聽，一唱就全場人喊起上嚟！」原來這位老師生前錄製了一段短片給學生，還不停鼓勵他們要努力唱歌，相信這股愛好音樂的熱誠，只有Rika才感受到。

好學不倦

既然愛好音樂，為何會當上o靚模？Rika說：「入行時同公司講咗我鍾意唱歌，但知道一開始做歌手收入會唔穩定，公司對我好好，畀咗一個方法我又搵到食，同時又可以追求夢想！」別看模表面風光，其實背後付出很多，Rika說：「做Model時唔係影完相就拍拍籮柚去玩，放工時要去學嘢去自我增值。公司唔會特登搵嘢畀你做或推薦你去做，而係希望我哋自己長大。」Rika除懂得彈鋼琴、敲擊樂及吹長笛等文靜嗜好外，還喜歡打籃球、棒球及游泳，絕對是多才多藝。近期她覺得彈結他很有型，故又開始學結他！

Profile

名字：王麗嘉（Rika）

三圍：34、25.5、35

簡歷：與「模媽」陳靜儀（Mia）同期入行，加入「新八模」出寫真，其後與余曉彤組成跳舞歌唱組合OctoBeez。

名人組