Baby三師妹擔正Hillary喊唔出捱鬧
Angelababy師妹陳詩雅（Sarah）、宣洳而（Fiona）與劉沛蘅（Hillary），早前首度擔正微電影《最好的一直都在》，飾演感情要好的姊妹，在戲中大考演技，尤其要Fiona與Hillary感觸落淚一幕，令她們難忘，Fiona說：「現實中冇乜人見過我喊，我鍾意有咩事都放喺心，當我諗起好Deep嘅心情，就喊到收唔到聲喇！」
平日最易喊的Hillary埋位時反而喊不出，最後被身邊同事鬧演得差而委屈落淚：「我唔係嬲嗰位同事，係嬲自己點解盡力做，人哋都覺得唔好，即係仲有空間進步。」片中飾演大家姐的Sarah則透露片中講及不少母女情，問到現實中與母親關係如何，她說：「我同媽咪嘅關係好似朋友咁，好Close，每次我拍拖或者鍾意咗一個男仔都會同佢講。」
Sarah（右起）、Hillary與Fiona於新片擔正，希望行師姐舊路上位。