湯盈盈前晚穿5吋高跟鞋出席無綫頒獎晚宴，身懷六甲的她令身旁的黃德斌步步驚心，只好全晚傍實對方，以策安全。盈盈透露已看過醫生，指BB似足男友錢嘉樂般生猛：「BB好健康活潑，手仔腳仔係咁郁，彈吓彈吓！」雖然未知道BB性別，但盈盈表示即使知道也不會公開。她又希望拍大肚照，記錄佗B過程，更暗諷嘉樂愈來愈肥，需要收身：「要Key嘉樂個頭落德斌咁大隻嘅身形度！」
盈盈着住5吋高踭鞋落樓梯，好牙煙！
