名模林莉年前曾跟隨張達明學演戲，去年專誠捧對方的棟篤笑場，雖然因達明經常不在港而很少聯絡，但每逢節日都會互傳短訊問候一番，故她一直不覺有異，所以得悉他患病時勁愕然！林莉表示稍後會傳短訊問候，希望對方身體健康及堅強勇敢面對：「做人同做戲都係一樣，正能量好緊要。一直見佢好開心、好樂觀，佢係一個好有諗頭、轉數快又有創意嘅人，做幕前幕後八足咁多爪，仲畀咗我好多意見。因為我生得高，佢覺得我有一份霸氣，有啲角色會掌握到，我以前對演戲冇乜信心，係佢畀咗呢份信心我。」
林莉希望恩師張達明能堅強對抗癌病。
林莉曾跟隨張達明學戲，讚他周身刀張張利。
