高志森「月」見愈精神
張達明身邊不少好友原來早知他抱恙，其中劉青雲透過經理人轉述：「大家身為朋友得知他身體上出現小毛病，朋友之間唔方便講太多，祝佢早日康復。」曾合作舞台劇的高志森亦不便透露詳情：「近排同佢每個月見一次，傾談明年中舉辦嘅棟篤笑演出，每次見佢都好精神，有講有笑，感覺佢係康復中，諗橋、創作方面仍然旺盛。」
另一好友吳鎮宇則表示忙於拍劇及返內地工作，連黃秋生與張家輝也很少見面：「對上一次見佢係去年聖誕，見佢都OK喎，但冇提及有病。（瘦咗喎？）我夠瘦啦！但睇到佢啲相又係令人緊張啲嘅，唔似感冒咁簡單，我會盡量聯絡佢或者佢太太了解吓。」
高志森指張達明十分精神，仍繼續為棟篤笑度橋。